"1-қазан қарттар күні"

Бүгін 1 қазан қариялар мерекесіне орай ауылымызда демеушілермен  біріге "Қарттарым асыл қазынам" атты мерекелік іс-шара өтті. Іс -шараны Арайлы ауыл аймақтық әкімі Алжабаев Ғ.Н. және осы іс-шараның өтуіне демеушілік көрсеткен ЖШҚ басшысы Қожабаев Ы. А., мектеп директоры Шакиров А.Т.,жеке кәсіпкер Шаймерденова Ғ.С., "Қадам"дәмханасының меңгерушісі Мусина Қ Ж. құттықтау тілектерінен бастады. Осы аталған кісілер тәтті дастархан жайып, мереке мектеп оқушыларының дайындаған шағын концерттік бағдарламасымен жалғасты. 2 сынып оқушылары қазақша биімен мерекені ашса, 6-сынып оқушылары Ибраһим А., Мұхтарова А., Мұратқызы Д.,Тұрсынбай Т."Әжеме"әні,5 сынып оқушылары Калиева А., Наурызбай М.,Акшалов Б., Жақсылық Е.тақпақтар оқып ата-әжелердің алғысына бөленді. 7 сынып оқушысы Атамбай Г. "Әжеме"өзі шығарған өлең шумақтарын оқып, "Желдірме"күйін тартып берді. Мереке өз деңгейінде өтті.